Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Avenula pubescens subsp. laevigata

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Civadoun(-pelous)

Avenula pubescens subsp. laevigata

Poaceae Graminaceae

Noms en français : Avoine lisse, Avoine pubescente.

Descripcioun :
Aquesto meno de civadoun trachis majamen en Prouvènço preaupenco mai peréu dins lis Aup. Es un civadoun renadiéu de la meno Avenula pubescens, mai la guèno di fueio èi pas pelouso (long péu dins l'espigueto -fotò-). Pamens se recounèis soulamen que la glumo d'en aut despasso la lemma la pu longo de mai de 1,5 mm (que i'a proun de Avenula pubescens subsp. pubescens qu'an ges de péu peréu sus la guèno).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando-erbo
Taio : 0,3 à 1 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Avenula
Famiho : Poaceae
Famiho classico : Graminaceae

Ordre : Poales

Coulour de la flour : Blanco
Petalo : ges
Ø (o loungour) enflourejado : 10 à 14 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Prado umido
Estànci : Mountagnard à Subaupen
Couroulougi : Ouroufito-Cèntre
Ref. sc. : Avenula pubescens subsp. laevigata (Schur) Holub, 1976

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Vitis riparia x Vitis rupestris & Avenula pubescens subsp. laevigata

ges

Coumpara Lambrusco(-bastardo) emé uno autro planto

Coumpara Civadoun(-pelous) emé uno autro planto